Recht hat meist'ns mei Kanickl (Duett)

1. Recht hat meist'ns mei Kanickl …
von da Weisheit fast scho g'borgt a Stückl,
denn der kloane Has'
sagt höchst selten was,
womit bewies'n is',
er quatscht koan Mist – ganz g'wiss!

Si tacuisses, philosophus mansisses,
si tacuisses, si tacuisses, philosophus mansisses!

2. Recht hat meist'ns mei Kanickl …
von da Weisheit fast scho g'borgt a Stückl,
bleibt 's a meist'ns stumm,
sicher is 's ned dumm,
vielleicht is 's a bloß z'faul,
auf jed'n Fall halt 's 's Maul!

Si tacuisses, philosophus mansisses,
si tacuisses, si tacuisses, philosophus mansisses!

3. Recht hat meist'ns mei Kanickl …
von da Weisheit fast scho g'borgt a Stückl,
weil 's eam nia pressiert,
mümmelt 's und sinniert
als ob 's sei Welt studiert,
a wen'g philosophiert!

Si tacuisses, philosophus mansisses,
si tacuisses, si tacuisses, philosophus mansisses!

4. Recht hat meist'ns mei Kanickl …
von da Weisheit fast scho g'borgt a Stückl,
nimmt 's aso, wia 's kimmt,
klagt ned, wenn 's ned stimmt,
strahlt aus Zufriedenheit …
(Da fehlt 's bei mir oft weit … !)

Si tacuisses, philosophus mansisses,
si tacuisses, si tacuisses, philosophus mansisses!