Dass mir uns so kenna
wia mir uns kenna
und …
dass mir uns überhaupt kenna könna …
i moan …
dass unter dene Haufa Leit
mir zwoa
uns ned bloß a so kenna,
sondern uns leid'n könna sogar,
… des hoaßt,
dass mir uns in d'Aug'n schaug'n
und uns zuahör'n könna
und red'n
ohne an Hass,
ohne an Neid,
ohne a Wuat,
ohne an Streit …
dass mir im Moment mit uns in Fried'n sei könna
und ned voranander davo' müass'n renna …
… und dass s' uns grad guat duat
um uns rum de Ruah …
des macht den Moment wertvoll g'rad gnua!
--- Da derfst dann nach gar
ned mehra verlanga,
de stade Ruah alloa
duat bei weit'm scho g'langa.
Und,
dass i 's spür',
dass i mit dir
in dera Ruah einig bin,
des …
… des gibt jetzt dem Aug'nblick alloa scho sein Sinn.
geschrieben am 17. November 1985