182. | in jeda foab. - Page 2

voi geniessn
guad vaboagn in muttas fruchtboan schoss von sonft bis hoat
denn sunn, mond und steane begrüssn uns in jeda foab, in jeda foab.
10)
streichl mi mit deine imposantn fliagl, trog mei kultua, zeig ma zivilisation
leah ma musik, molarei, theata zu deutn, büd mi peafekt aus, die politik ausghom
schenk ma an tiafn einblick in wiatschoftsfrogn, oigemeinbüdung, hot ma imma parat
drum näah und fütta mein vastond ohne pausn, zeig ma die wöd, geh mit mia om schmoin grat.
11)
eazöh ma von fremdn ländan, reis mit mia doathin, brauch obwechslung, lenk mi afoch nua ob
duachwonda mit mia hohe beag und tiafe täla, scheeheit enoam, die natua gsponnt wia a droht
ealeb mit mia schneestüam, sintflutoatign regn, geniessn die sunn, schwimmen im gloskloan mea
drum jog mit mia duach grüne wiesn und wöda, otme tiaf duach, glaub mas, is goa net so schwea.
12)
foig deina innren stimm, host a goa ka ondre woih, sei voasichtig, foin lauan übaroi
moch do nua an klan sichren schritt nochm ondan, bleib a gonz ruhig, bist wie a wossafoi
gib auf dei gsundheit ocht, loss di auf kan foi stressn, denk zeast guad noch, donn hondl übalegt
drum bleib imma gonz locka, entsponnt und bedächtig, blick übaroi hin, do die voasicht vaebbt.
13)
spring schnö aufd seitn, denn dei maua bröcklt scho ob, keah ois wieda zomm, beginn wieda von voan
nimmt hoit wieda seah vü kostboare zeit in onspruch, es zoiht si aus, zruck bleibm vaheilte noam
do iagendwos quöt di, nogt on deina substanz, host di vaändat, do du nimmst des ois vüz leicht
drum sei aufmeaksom, gib ocht, schau net imma grodaus, foig deim instinkt, host scho so vü eareicht.
14)
schoit deine stimmungsschwonkungen endgültig ob, druck aufm knopf, foi in ka depression
vasinkst imma tiafa im sumpf vom söbstmitleid, bist völlig vadreht, bist a chamäleon
ändast ständig dei meinung, redest scho wirres zeug, kennst di net meah aus, hoffnung host donn aufgem
drum schreibst an seitnlongen intimen obschiedsbrief, kumm wieda zruck, bitte nimm da net des lem.
ch 1d)
tränenreiche traurigkeit regnet dahin, eascheint ois so unglaubwüadig, mocht kan sinn
host kan ausweg gfundn, ka fluchtmeglichkeit, da sond is ausglaufn, gschmoizn die zeit
eakläarungen bleibm vazweiflt wüdfremd, dei lebm entglittn aus deine händ
völlig entgleist wiafst dei sein üba boad, do dei sö knistat und funkt no in jeda foab.
ch 2c)
in jeda foab fluoreszian eainnarungen wüadig umhea, jede schattiarung von lustig bis streng
in jeda foab vafluacht ma die hüflosigkeit ois gegnweah, d‘schling um an hois ziagt si zomm, scho vüz eng
in jeda foab suacht ma noch ontwoatn, eakläarungen, nochm grund, do die grogn bleibm im raum lea stehn
in jeda foab scheuat die melancholie, da schmeaz des lebm wund, da wind konn den kumma afoch net vawehn.
ch 3b)
tiaf in da eadn zwischn beschriftetn stoana und an vaschwiegnen friedlichn woid
liegt dei frisches grob und leucht geheimnisvoi in jeda foab
tausende scheam foin ois tränen beim woana, da wutschrei hosseafüllt laut vahoit
schwebst direkt üba an endlosn wossafoi im engen soag
denn sunn, mond und stean beweinen di in jeda foab, in jeda foab, in jeda foab.
ch 4a)
impressionistische büda tauchn direkt voa mi auf, erotisch onghaucht
kapia no imma dein sinnlos eascheinendn freitod net, so vü kroft vabraucht
denk jede sekundn on unsre intime zweisomkeit, stroiht in jeda foab
bitte woat auf mi, hob geduid, dauat no a gwisse zeit, und gib ma dei woat.
1)
drum streichl mi mit deine grossn, weitn fliagl, deck mi wach zua, denn mia is scho so koid
wäam mi mit deim peafekt scheenen keapa, hoit mi gonz fest, hob mi net meah in da gwoit
schenk ma dei gsundes, woih behütetes lebm, gib ma geduid, denn zeit hetzt auf mein weg
drum stö ma meine soagn, schmeazn und uaängste, spend ma vü mut, damit i des übaleb.
ch 1a)
voa heissa begiade flimmat die luft, im liebesrausch den oagasmus gsuacht
des wossa voa ekstasn brodlt und kocht, a hasse glut hots feia lodand entfocht
die gia nimmt total von mia besitz, obwechslnd eisige kötn, glühende hitz
mei heaz pulsiat stüamisch wüd im akkoad, denn mei sö knistat und funkt in jeda foab.
ch 3b)
tiaf in da eadn zwischn beschriftetn stoana und an vaschwiegnen friedlichn woid
liegt dei frisches grob und leucht geheimnisvoi in jeda foab
tausende scheabm foin ois tränen beim woana, da wutschrei hosseafüllt laut vahoit
schwebst direkt üba an endlosn wossafoi im engen soag
denn sunn, mond und stean beweinen di in jeda foab, in jeda foab, in jeda foab.
ch 4a)
impressionistische büda tauchn direkt voa mi auf, earotisch onghaucht
kapia no imma dein sinnlos eascheinendn freitod net, so vü kroft vabraucht
denk jede sekundn on unsre intime zweisomkeit, stroiht in jeda foab
bitte woat auf mi, hob geduid, dauat no a gwisse zeit, und gib ma dei woat.