Am Wegweiser

No nia
war mei Denka, mei Schreib'n …
… so flüssig!

Aber a ...
no nia
war i meiner …
… so überdrüssig!

Da …
woaß i jetzad ned,
duat des flüssige Schreib'n mir eher was geb'n
oder
verdünnt 's ma oiwe mehra
de (Rest-)Freid am Leb'n?

I … bin ma eb'n
nimmer recht schlüssig,
i woaß 's eb'n
nimmer so g'wiss,
ob des „flüssige“ Schreib'n
ned nur „flüssig“,
sondern …
… an mir selber a B'schiss …
und desweg'n
- unter Umständ'-
gar
„überflüssig“
is?