244. | so vü liebe.

1)
hob di afoch vüz wenig beochtet, hob di a nie richtig registriat, füa mi woast nua reine unsichtboare luft
hob di nie in meim gesichtsföd gsehn, host füa mi afoch nie existiat, hob eigentlich no nie dei nähe gesucht
hob no nie dein weg freiwillig kreuzt, hob dei lem bis jetzt niagends entdeckt, net gwusst, doss du dei zöt hia aufgschlogn host
hob dei sein aus meim schädl vabonnt, hob mi nie in dei richtung bewegt, da umgong mit ondre leit is ma vahosst.
2)
hob di afoch vüz wenig beochtet, hob di imma völlig ignoariat, füa mi woast nua a unongenehma wind
hob dei eascheinung no nie bemeakt, völlig gleichgültig, nie intressiat, hob dei innige liebe goa net vadient
hob nie gedonkn on di vaschwendet, di mit passivität übaschwemmt, oi die onnäharungsvasuache vabronnt
hob nie deine giarign blick gspüat, so vü liebe woa ma völlig fremd, hob dei peafekte scheeheit bis jetzt net eakonnt.
ch 1a)
du bist wie feia so hass, zäatlich streichln deine earegt lüstanen flommen mei nocktheit
du bist wie des mea so wüd, ungezähmte wön volla intensiva lust roin in die freiheit
eastroihst wie die sunn so hö, leuchtest mia den weg in dei rätslhoft geheimnisvois vasteck
vaströmst an sinnlichn duft, erotisch stimuliarende woikn vahülln des ekstatische bett.
3)
hob di afoch vüz wenig beochtet, hob dei existenz völlig negiat, do du host mi bis in meine traim vafoigt
hob deine bewegungen obblockt, host mei gegnweah net akzeptiat, hob mi trotzdem eneagisch mit händ und fiass gsträubt
woit di nie näha kenna leana, hob niemois den gleichn weg benutzt, do mei paranoia wiad zu an problem
siag dei büd afoch scho übaroi, host mei männlichkeit ziemlich zommgstutzt, empfind dei eigne technik ois zu extrem.
4)
hob di afoch vüz wenig beochtet, hob di ois gonzes nie tolariat, dei auftretn, dei gehabe mochn mi varuckt
hob di imma im foischn licht gsehn, host mi auf dei oat hypnotisiat, host di donn ois woahre sexbombm entpuppt
woit afoch nie wos mit dia ztuan hom, hob dei oat zu lem no nie bejaht, woast imma nua a tropfn aufm hassn stan
host mi mit deina lust übafoin, so vü liebe host in mia vastrat, eazeugst so vü leidnschoft, wiast zum vuikan.
ch 1b)
eaweckst so vü phantasie, tauchst gekonnt künstlarisch frei duach die ekstase pua ohne netz
bist a komet auf deim weg, fliagst fost endlos tiaf duach raum und zeit, dei begiade is dei gsetz
bist a zoate, sonfte fee, liest ma jedn wunsch von meinen augn ob, liebst des spü zu zweit
bist unentdeckt, uneafoascht, do mei expedition dringt tiaf in di ein, zum höhepunkt bereit.
ch 2a)
so vü liebe duachdringt mei woame haut, suacht si söba den weg zu meina sö, zu meim heaz
so vü liebe hot si in mia aufgstaut, is pletzlich explodiat, bin immun gegn den schmeaz
so vü liebe in mia brodlt, kocht, brennt, a prächtiges feiaweak on gefühln nimmt sein lauf
so vü liebe wüd, hass und ungezähmt, dei graziöse vafüahrungskunst is oft in gebrauch.
5)
hob di afoch vüz wenig beochtet, woast füa mi no nie a lustobjekt, vü wichtiga woa mia mei eigne karriea
hob di imma links liegn glossn, auf mei äussares grossn weat glegt, hob di übasehn, woa goa net moi so schwea
woast unscheinboa wie a graue maus, am wichtigsten woa ma mei peason, du eascheinst nie in meina realität
leb in ana peafektn tramwöd, oba dein plotz hob i scho längst vagrom, frog mi die gonze zeit, wos host du füa an zweck.
6)
hob di afoch vüz wenig beochtet, mei egoismus is gsund und gross, mecht imma und übaroi da easte sein
a beziehung woa ma nie wichtig, bin eingeengt, auf mi is ka valoss, könnt ma die eignen föhla söbst net vazeihn
woast ma imma vüz vaklemmt und scheu, bist ma no nie positiv aufgfoin, hob füa schauspülarei ka richtigs talent
wüad nua lügn, betrügn, fremd gehn, hätt da dei ehre und dei wüade gstoihn, wäa füa a longe bindung inkompetent.
7)
hob di afoch vüz wenig beochtet, woit in dei lem nie involviat wean, bin die ontwoatn auf deine frog schuidig bliem
do dei onziehungskroft wie a magnet, glei im keim eastickt mei gegnweah, host jede eignschoft, diesd on mia liebst, aufgschriem
hob nie dei valongen noch mia gspüat, woa imma gonz unnahboa und koit, trogst dei geheimnis vüz long mit dia hearum
pletzlich host mi mit küssn übasät, so vü liebe in reichlicha vüfoit, zeigst so vü reife, bewoahst da dei heiligtum.
ch 1c)
bist wie a höhle so tief, dei wohlig woame feuchtigkeit umhüllt mi, füaht mi sicha ons zü
reitest in an eignen stil, bei jedm wechsl schnaufst und schwitzt, dei stöhnen eahöht des lustgfüh
dei können is peafektion, in jeda kompliziatn position behoitst den übablick
bist afoch uneasättlich, mei potenz wiad auf a hoate probe gstöt, hob no genügend sprit.
ch 2b)
so vü liebe host in mia nei gesät, die keim gedeihn prächtig, wochsn üba mi hinaus
so vü liebe hot mein vastond vadreht, vagiss ois rund um mi hearum, schenk iah vü applaus
so vü liebe schmüzt eis, sond und gestein, bin völlig vawondlt von deina süchtign gia
so vü liebe geht ma duach moak und bein, dei ewiggeile besessnheit is dei revia.
ch 3a)
host dein gonzn reichtum on vafüahrungstechnikn mit so vü liebe on mia ausprobiat
mit diesm studium host ma oi dei wissn mit so vü liebe gem, bist so talentiat
host deine nein ideen, dei kreativität glei mit so vü liebe in die tat umgsetzt
dei weite offnheit hot mi gerüaht, tiaf bewegt, mit so vü liebe vazaubat, vahext.
8)
hob di afoch vüz wenig beochtet, hätt di niemois ois frau auseawöht, a wonnst da letzte mensch auf da eadn bist
hob mit dia no nie kommuniziat, host mi die gonze zeit gfoitat, quöt, wü di vagessn, hob di no nie vamisst
füa mi woast eigentlich nie attraktiv, host niemois a chance auf sympathie, mochst ma a szene, woihduachdochta skandal
bin dia gegnüba völlig heazlos, nua bei dia hob i klaustrophobie, endet ois im chaos, mei lebm katastrophal.
9)
hob di afoch vüz wenig beochtet, woast ma imma scho a doan im aug, woast wie a klettn, die ewig on an klebt
hob di donn ois seuche bezeichnet, stoss di hoat zu bodn in den staub, do du host nua füa mi a liebesschloss gwebt
hob mi nie füa mei tun entschuidigt, woa imma boshoft, goaschtig, gemein, hob di die gonze zeit ausglocht, kan respekt ghobt
reklst di nockt voa mia hin und hea, so vü liebe woscht mi wieda rein, da earegungsgrad steigt, hom uns vaaus-gobt.
ch 1d)
bist wie a vogl im Wind, deine kräftign fliagl trogn mi in ekstatische höhn
vastroihst so vü sexappeal, bin scho wieda bereit füa a heissblütigs oagastisches gestöhn
bist genau füa mi gmocht woan, wia passn genau ineinonda, unsre keapa san peafekt
vaschmözn zu an metoi, nix konn uns meah trennen, hom uns gegnseitig kostet und gschmeckt.
ch 2c)
so vü liebe foaht direkt in mei hian, setzt massn von unbefriedigtn testosteron frei
so vü liebe wüst mit mia komponian, tonzn in dem erotischn rhythmus aus da reih
so vü liebe reichst du mia ois geschenk, öffnes volla euphorie, hob grossn appetit
so vü liebe host ma in kuaza zeit gspendt, du bist und bleibst a otemberaubenda onblick.
ch 3b)
host dei geschmeidigkeit mit vü übung bewoaht, host so vü liebe in die praxis mitbrocht
jede sekunde homma grosszügig ausgnutzt, mit so vü liebe die glut wieda nei entfocht
unsam einfoisreichtum san kane grenzn gsetzt, mit so vü liebe gehn ma bis ins detail
hob so vü foisch gmocht, host ma rittalich vaziehn, mit so vü liebe reisst niemois unsa seil.
ch 4a)
so vü liebe in dia, so vü liebe in mia, is a stetigs nehmen und gem
so vü liebe heagschenkt, so vü liebe vamengt, in diesm vü zu kuazn lem
so vü liebe befreit, so vü liebe eingreiht, die besn gedonkn vatriem
so vü liebe in mia, so vü liebe in dia, tauchn wieda in phantasien.
ch 1a)
du bist wie feia so hass, zäatlich streichln deine earegt lüstanen flommen mei nocktheit
du bist wie des mea so wüd, ungezähmte wön volla intensiva lust roin in die freiheit
eastroihst wie die sunn so hö, leuchtest mia den weg in dei rätslhoft geheimnisvois vasteck
vaströmst an sinnlichn duft, erotisch stimuliarende woikn vahülln des ekstatische bett.