's Vorhangrucka (Duett)

Refrain: Vorhangrucka, Vorhang schiab'n …
da lacha'n ja im Hirn scho d'Würm',
wenn oana des den ganz'n Tag mag!

1. Weiberl, mach' halt 's Liacht scho' aus,
im Dunk'ln lurt si 's besser 'raus,
i möcht halt hab'n, mir is 's drog'leg'n,
i werd' ned g'seng, i werd' ned g'seng!
Ja!

R: Vorhangrucka …

2. Was nur g'rad' mei' Nachbar macht … ?
Werk'ln duat er Tag und Nacht,
doch wia i a umelur',
i siech ned gnua, i siech ma ned gnua!
Ja!

R: Vorhangrucka …

3. Weil der allerweil was duat,
da packt mi' glei' alloa scho' d'Wuat!
Wia der werkt mit voller Kraft,
i bin vom Lur'n alloa scho' g'schafft!
Ja!

R: Vorhangrucka …

4. Werd mir 's Steh' beim Lur'n 'mal z'vui,
bringt mei Wei' mir schnell an Stui,
dass i weiter glotz'n ko,
mir liegt 'was dro, mir liegt halt was dro!
Ja!

R: Vorhangrucka …

5. Oan's g'rad' macht mi' gar ned froh:
Muass i zwisch'ndrin auf's Klo!
I kimm ned weg, a wenn's pressiert …
… scho' is 's passiert, scho' is 's halt passiert!
Ja!

R: Vorhangrucka …