Ob 's Reichsei' reicht ... ?

Ob jetzt oan 's Reichwerd'n
und dann
's Reichsei
wirklich
reich
macht,
halt,
weil 's oan mit dene,
de scho reich san
dann no mehra
gleich macht … ?

Ob jetzt des Hetz'n ...
des Renna …
und
's Leb'n
nimmer kenna …
des …
oiwe neu's Graffe oricht'n
und
Schlicht'n
und
Schlicht'n
und
Schlicht'n …
oan wirklich reich macht?

… Des …
des san halt so G'schicht'n !

Moan fast,
des echte Reichsei
hoaßt,
sich z' wünsch'n
dene Reich'n
liaber doch ned so gleich z' sei …
hoaßt …
nach dene Reich'n
sich ned aso z' richt'n …
hoaßt …
sich beiz'bringa,
bewusst...
freiwillig …
auf vui
zu
verzicht'n …