201. | hond aufs heaz. - Page 2

schliess deine augn und loss deina kroft iahn frein lauf
leg nua dei hond aufs heaz, es heascht a intensiva austausch zwischn kopf, fuass und bauch
leg nua dei hond aufs heaz, fühl den genialn rhythmus, ois vibriat, geht glei ins bluad
leg nua dei hond aufs heaz, eablüht in den scheenstn foabm, offnboat die wiedagebuat.
10)
hond aufs heaz, denkst eigentlich no on zuhaus, host die traua üba dein valust scho besiegt
trogst no an schmeaz, donn loss eam do endlich moi raus, denn des lebm is net leicht und fair, nua vazwickt
steckt no tiaf drin, host do so vü obwechslung ghobt, jedn tog neie gsichta in an nein lond
host no phobien, oiptraim hom di scho imma plogt, iagend a bittabesa geist in dia wohnt.
11)
hond aufs heaz, host du uns eigentlich je vamisst, suachst do dei zü scho seit üba dreizehn joah
schaust a rückwäats, drum kumm zruck, bevoast di vaschliesst, do ka anzige nochricht dringt on unsa oah
du bleibst vaschoin, da eadbodn hot di vaschluckt, wia betn füa di, damit da nix passiat
host des so woin, von unsren soagn unbeeindruckt, oba vielleicht host jo do iagendwos gspiat.
12)
hond aufs heaz, die lebmswüafl san scho längst gfoin, und da boi vauasocht den dominoeffekt
ois hot an reveas, muass in seim lebm füa ois bezoihn, olle föhla, sündn wean aufd woogschoin glegt
da weg zafoit, a zäha brei übaschwemmts lem, afoch so wenig gwonnen und so vü valoan
goa ka inhoit, vaiat si in tiafe gräm, im söbm boot sitz ma olle wie festgfroan.
13)
hond aufs heaz, des seil hot scho an tiafn riss, zeigt obnützungseascheinungen im grossn stil
des is ka scheaz, da dünne fodn reisst gewiss, des stetige auf und ob is ka leichtes spiel
tonzt aus da reih, imma gegan uahzeigasinn, die breite masse duachqueast imma gegan strom
donn brichts entzwei, des end is füa di a neibeginn, in diesm onfong steckt vielleicht gott in peason.
14)
hond aufs heaz, mechst endlich von oim obhem, in die nächste dimension mit volla wucht
vagiss den schmeaz, donn konnst endlich wieda frei lem, die unabhängigkeit wiad bei dia scho zua sucht
scho so long foat, dei odyssee wäaht ka ewigkeit, wonn treibts di denn eigentlich wieda moi hamwäats
gib uns kan koab, sog uns endlich die gonze woahheit, augn zua, denk on uns, leg dei hond aufs heaz.
ch 1d)
denn du bist wie a raupe, die si grod vapuppt auf an groshoim
und du bist wie a schmettaling, tonzt wie varuckt in den sonnenstroihn
denn du bist wie a sonfte fee, vazaubast mi, bin so valiebt
und dei hond aufs heaz, hond aufs heaz, hond aufs heaz is reinste magie, die si weich onschmiegt.
ch 2c)
auf deim klan heaz ruht dei zoate, wache hond, heas kloa und laut schlogn, reines echo von da wond
die tiafe kroft im rhythmus übaflutet mei lem, spia zwischn uns a intensiv duachströmendes bem
auf deim klan heaz ruht dei zoate, wache hond, saugt die besn gedonkn auf, wieda sönvawondt
ois schweare foit ob, a sonfte hond streichlt, deckt uns zua, foin in ruhign tiafn schlof, endlich a friedliche ruah.
ch 3b)
leg nua dei hond aufs heaz, öffne jeda fasa in deim keapa, injizia uns dei kroft
leg nua dei hond aufs heaz, dei uneakläaliche telepathie hot des ois voibrocht
leg nua dei hond aufs heaz, hea auf die musik, a symphonieoachesta in peafektion
leg nua dei hond aufs Heaz, so unschuidig, jungfräulich rein, gebiat die reinkarnation.
ch 4a)
hond aufs heaz, des is a heiliga schwua, hond aufs heaz, des is a heiliga eid
ma schwöat dabei die ewige treue, ma gelobt zu kämpfn füa die freiheit
hond aufs heaz is a heiligs vasprechn, hond aufs heaz is a heiligs eahnwoat
ma vapflichtet si nua friedn zu gem, des bezeugt ma duach a seah longe woihfoaht.
15)
hond aufs heaz, woatn scho fost a ewigkeit, noch drei joahzehntn homs di füa tot eakläat
traua und schmeaz, wea sogt uns endlich die woahheit , a stilla oat zum meditian bleibt uns vawäaht
völlig ausgweint, augn austrocknet, lea getränt, nua die soizign spuan eakennt ma no im gsicht
dein tod vaneint, soiche gedonkn san uns fremd, glaubm fest on di, unsre liebe vatieft.
16)
hond aufs heaz, joahreszeitn wechsln si ob, ka tog vageht, wo ma uns frogn, wosd nua bist
kumm endlich hamwäats, hom die woatarei scho so sott, denk on di intensiv, bin a optimist
hobs scho im gfüh, spia dei präsenz in diesm raum, a unsichtboas eneagieföd eawocht zum lem
endlich om zü, dei longa weg woa a oiptraum, umheageiat, valoan, a windhauch im vawehn.
ch 1e)
denn du bist wie da moagntau, glänzt in da sunn in oin foam
und du bist wie da nebl, a mystearium, unhamlich vawoan
denn du bist wie a gwitta, grella blitz zuckt, donna san groit
und dei hond aufs heaz, hond aufs heaz, hond aufs heaz, ois stean entpuppt, in reichsta vüfoit.
ch 2d)
auf deim klan heaz dei zoate, wache hond ruht, hea den feinen wundascheenen klong ois a hohe flut
diesn wüdn lebmswün hot ka anziga zähmt, bändign sinnlos, des finale in seim element
auf deim klan heaz ruht dei zoate, wache hond, des echo roit in wön bis zum feanen horizont
du bist a wunda, a heilige, a phänomen, a gedonke on di reicht aus, scho gibts kane problem.
ch 3c)
leg nua dei hond aufs heaz, entfoit di aus diesa vapuppung in an engl aus licht
leg nua dei hond aufs heaz, breit deine fliagl aus, deck uns woam zua, streichl ma mei gsicht
leg nua dei hond aufs heaz, singst so lieblich zum heazschlog dazua, host a woitönende stimm
leg nua dei hond aufs heaz, eakläa man grund, des warum, wieso, des wohea und den sinn.
ch 4b)
hond aufs heaz is a heiligs gelübde, hond aufs heaz is a heiliga hondschlog
ma garantiat, doss ma niemois wieda lügt, ma hoftet mit diesm spruch bis in den tod
hond aufs heaz, des is a heilige schrift, hond aufs heaz, is a heilige büagschoft
ma bekräftigt, nua no liebe zu säen, ma beglaubigt des mit seina gonzn kroft.
ch 5a)
hond aufs heaz, hond aufs heaz, vagessn is da grosse schmeaz
hond aufs heaz, hond aufs heaz, endlich gehst wieda zu mia hamwäats
hond aufs heaz, hond aufs heaz, dei Lebm woa a trauriga veas
hond aufs heaz, hond aufs heaz, bleib bei mia, jetzt gehts wieda aufwäats.
ch 4a)
hond aufs heaz, des is a heiliga schwua, hond aufs heaz, des is a heiliga eid
ma schwöat dabei die ewige treue, ma gelobt zu kämpfn füa die freiheit
hond aufs heaz is a heiligs vasprechn, hond aufs heaz is a heiligs eahnwoat
ma vapflichtet si nua friedn zu gebm, des bezeugt ma duach a seah longe woihfoaht.