DE ADVENT UN SEI VIER KERZE

(in saarländisch-rheinfränkischer Mundart)

Brennt im Advent die erschde Kerz‘,
sind drei noch frei vom Flackerschmerz.
Hann zwei gebrannt dann im Duett:
Genauso viel sinn noch komplett.

Am dritte Sunndaach, wie isch menn,
is jungfreilisch nur noch die ään.
Die Numm‘re Ääns un Zwei - wie niedlisch -
sind kerzer, un zwar unnerschiedlisch!

Beim verde Feschd Adveniat
is meischt die erschde Kerz schun platt:
bei ihr war in der erschd drei Woche
es Wachs verbrennt un fortgekroche.

So isses unvermeidlich jetzt,
dass mer die Nummer Ääns ersetzt.
Die Zwei – die Nei un Nummer Vier -
wie Zwillinge nood brenne hier.

An Weihnaachde mir dann erkenne,
warum mir Kerze „Kerze“ nenne:
weil die - obwohl zwar „Wachs“ war needisch -
statt „wachse“ - „kerzer“ werre schdeedisch.

vcj