220. | küss mi.

1)
bin neavös, meine händ schwitzn, mei bauch rebelliat, do i reiss mi zomm, hob des scho tausend moi trainiat
otme no amoi tiaf duach, und moch mein nächstn schritt, meine augn suachn ois ob, entsponnte panik
mei gong gonz cool, schlenda gmiatlich zu meim oabeitsplotz, wünsch oin an guatn moagn, do in meim hois a klotz
setz mi auf mein sessl, eagreif die post und schaus duach, a brief foit hinob, stoa auf zwa zialiche stöcklschuach.
2)
schliess meine augn, phantasien endlos wüd rotian, schnopp noch luft, heb mein kopf, longe beine provozian
stehst direkt voa mia, dei eascheinung raubt ma mein vastand, mei mund wiad trockn, wü sprechn, do mei zung ealahmt
dei lächln vazaubat mi, fliag auf woikn dahin, lausch deinen lippm, nick mitm kopf, hea oba ka stimm
donn dringt mei nomen on mei oah, bin pletzlich aufgwocht, aus mia sprudlt a dicka roman, hom beide laut glocht.
ch 1a)
küss mi endlich, streichl mi zoat, wieg mi endlich in den schlof, denn mei liebe is grenznlos
sei offn, eahlich, geh net foat, redn do in da söbm sproch, denn mei sehnsucht is riesngross
berüah mei haut, riach do mein duft, wia san do sönvawondt, denn mei begiade explodiat
wea do mei braut, mei siasse frucht, mei gia noch dia mi übamonnt, denn dei keapa mi phasziniat.
3)
diese situation guat übastondn, mit leichtigkeit, do innalich brodlt und kocht mei bluad, geh boid in streik
sitz wieda hintam schreibtisch, aufgobm wean gelöst, konn mi net konzentrian, hob mei schüchtanheit entblösst
mei oabeit ziagt si ind läng, fühl iahn blick auf mi, hob mi lächalich gmocht, blamiat, geh auf meine knie
hob iah büd voa meine augn earotisch vahüllt, bin stoak earegt, hob iahre träume noch mia duachwühlt.
4)
iahre augn duachdringen mi, kriag a gänsehaut, in iahra nähe bin i east so richtig auftaut
liest mei aufgschlognes buach, duach die seitn foat da wind, mecht iah meine gfühle sogn, hob sie goa net vadient
leb und eanäah mi nua von iahm onblick allein, konn mi leida ois vaeahra nua ois letzta einreihn
die konkurrenz schloft nie, bin woahscheinlich letzte woih, zaknüll papia in meina hond, woat auf iah signoi.
ch 1b)
drum küss mi heiss, long, intensiv, schlof endlich nebm mia ein, denn mei liebe wäaht a ewigkeit
du schmözt des eis, so impulsiv, dei wesn so jungfräulich rein, denn mei lebm wünscht dei zweisomkeit
umoam mi fest, loss net meah los, entschweb net wieda davon, denn mei valongen mi vaschlingt
tränen rauspresst, augn san noss, bist in mia scho so vawom, denn i vatrau auf mein instinkt.
ch 2a)
beim geringstn gedonkn on di eabebt mei gonza keapa, drum küss mi endlich frei von diesn quoin
da küazeste blick auf di reicht aus, doss i voi gegand wond renn, drum küss mi endlich gsund von diesn quoin
die sonfteste berüahrung von dia bringt mi scho zum höhepunkt, drum küss mi endlich volla leidnschoft
des leiseste flüstan meines nomens von dia losst mi easchaudan, drum küss mi endlich mit giariga kroft.
5)
zua mittagspausn woas leida scho auf und davon, hätts glei frogn soin, fiacht mi oba voa da reaktion
mei mut losst mi in stich, woat aufm richtign zeitpunkt, sprich mi on, hob da mei liebe telepathisch gfunkt
könnt voa innra vazweiflung rean, bet laut um iah heaz, nua sie konn mi heiln von einsomkeit, vom liebesschmeaz
moch die augn zua, auf da schuita a zoate hond, in da ondan hoits blumen, mei liebe in iah auch wohnt.
ch 1c)
drum küss mi jetzt voa da gonzn wöd, frein lauf loss ma unsam glück, denn unsre liebe is entfocht
san tiaf vanetzt, a longa weg, on unsra hitzn vabrüht, denn unsre lust kost seah vü kroft
endlich vaeint, intim earegt, deine ideen reich garniat, denn unsa trieb kummt zu kan end
so vü vasäimt, hechlnd bewegt, hom symphonien komponiat, denn jetzt lebm ma in unsam element.
ch 2b)
dei wollüstig schreiendes stöhnen bringt mi ausm gleichgwicht, drum küss mi endlich auf mei nockte haut
denn dei sehnlichsta wunsch, kinda zu zeugn, is unsre aufgob, drum küss mi endlich, da druck si aufstaut
dei romantische seitn bewegt mi seah, moch an heiratsontrog, drum küss mi endlich, drück mi sonft ins bett
denn in deim rundlichstn bauch bewegt si scho a neues lem, drum küss mi auf unsam gemeinsomen weg.
ch 3a)
küss mi, küss mi endlich, küss mi sofoat auf da stö, küss mi woch, küss mi do auf beföh
küss mi, küss mi endlich, bei jeda gelegnheit, küss mi zoat, küss mi zu jeda zeit
küss mi, küss mi endlich, küss mi in da nocht und om tog, küss mi in schlof, küss mi bis in den tod.