O mei ... !

's Bier und da Schnaps
hab'n eam bald fuchz'g Jahr lang guat g'schmeckt
wia so leicht koam;
und 's Ess'n hat eam g'schmeckt
Tag und Nacht …
's hat ned z'wen'g sei braucha,
wenn 's nur
guat und fett g'nua war … !
Und …
's Fette war eam glei liaber wia 's Magere.
Ja mei -
a g'sunda Mo mit zwoaahalb Zentner
mag scho dafuadert sei!

Gestern
hat 's 'n dabrös'lt.
Zwengs am Herz und da Leber
und am Cholesterin und am Zucker und da Gicht
hätt'n s' g'moant,
de Doktor'n, de G'schudiert'n,
de a ned ois wiss'n.

Ma ko' halt
heitzutag' oafach nimmer g'sund alt werd'n,
zwengs dera Umweltverschmutzung rundumadum!