242. | heazlich glocht. - Page 2

umbrocht
die foign und auswiakungen san logisch kloa, drum hob i donn niemois wieda befreit heazlich laut glocht.
8)
mei vakommnes vahäatetes lem endlos tiaf gfoin, hot si pletzlich umdraht, um hundatochzg grad vaschom
meine gehianzön hom iah eneagie drosslt, mei leistung weit obgstüazt, woa a wondlndes phantom
die wöd draussn woa ma afoch vüz kompliziat, da stuam, die hohn wön hom mei klans boot zum kentan brocht
tauch valoan im finstren niagendwo umanond, drum hob i donn niemois wieda befreit heazlich laut glocht.
9)
mei vafluachts lem unta an schlechtn stean geboan, des horoskop hot seitnweis nua negativs ausdruckt
hob so vü gföscht, gstoihn, kopiat, duachn dreck zogn, des heilige diffamiat, hob bestochn, söbst korrupt
hob imma glei meim besn kommentar losglossn, mei innra friedn voa wut und hoss brodlt und kocht
steh scho bis zum hois in an oadinäan sumpf, drum hob i donn niemois wieda befreit heazlich laut glocht.
10)
mei lem hot stü hamlich vü tränen vagossn, bin gescheitat, ruiniat, total gegand wond grennt
so vü wundn und noam entstön mein gonzn keapa, imma trifft des pech mi, hob scho panische ongstzuaständ
kämpf topfa mitm schicksoi, da weg is voagschriem, ändarungswünsche scho zspät, mit vü schmeazn vabrocht
hob mi in an ausweglosn labyrinth vaiat, drum hob i donn niemois wieda befreit heazlich laut glocht.
ch 1d)
oba hätt is do nua scho im voahinein gwusst, doss i mei letzte chance scho längst vaspüt hob
hätt donn die nächstbeste gelegnheit pockt, valong von meim lem no a bessre zuagob
meine zukunftsaussichtn wäan donn gonz peafekt, hätt üba mei lebm intensiva nochdocht
denn nua des glück woa nie auf meina seitn, denn sunst hätt i wieda heazlich laut glocht.
ch 2c)
voa net oi zu longa zeit no ois seah junga monn, hob i no heazlich glocht, geniess freiheit in da sonn
die jugend tiaf vagrom, mei lem hot goa nix gscheits brocht, mia endgültig entfoin, niemois wieda heazlich glocht
Voa net oi zu longa zeit no ois kindlicha monn, hob i no heazlich glocht, da eanst im lem ka fiktion
die jugend tiaf vagrom, mei lem hot ois foisch gmocht, mia endgültig entfoin, niemois wieda heazlich glocht.
ch 3b)
hob in meim restlichn kuazn lem niemois wieda heazlich laut glocht
ka zeit füa fröhlich- oda lustigkeit, mit hoatm, schoafm blick eawocht
hobs lochn vagessn, kummt in meim woatschotz net voa, is ma völlig fremd
jede aktion foadat a reaktion, da Dominoeffekt ungezähmt
drum hob i net meah grinst oda glocht, niemois wieda heazlich laut glocht.
ch 4a)
heazlich laut glocht, ungezwungen, offn, löst die sponnung, heilt des heaz und die sö
heazlich laut glocht, ealeichtat und beruhigt, löst den innren knotn glei auf da stö
heazlich laut glocht, jede lost fedaleicht, fliagt wie a vogl zwischn woikn dahin
heazlich laut glocht, tränen foin ois geschenk, des lochn is die beste medizin.
11)
mei lem hot mein vastond vüz schnö auspresst, vadöat, mei gedächtnis is drastisch ins bodnlose gstüazt
vasteh die afochstn gedonkngäng net meah, mei übalemszeit hot si dramatisch vaküazt
bis jetzt kumm i no sicha on mei gewähltes zü, brauch ka fremde hüf, vatrocknet zschnö mei lemssoft
mei hian von grossn gedächtnislückn duachsiebt, drum hob i donn niemois wieda befreit heazlich laut glocht.
12)
hob mei vadoabnes, fauligs lem söbst zuzuschreim, mei reaktionsgeschwindigkeit hot joahzehnte braucht
tiaf in mia hot si donn des bese eingnistet, hot si übaroi vameaht, hot mei innres missbraucht
spazia teilnahmslos duach olle joahreszeitn, wie blind toakl i duach stodt und lond, friedn und schlocht
schwonk gfäahlich zwischn tiafa schlucht und schmoin grat, drum hob i donn niemois wieda befreit heazlich laut glocht.
13)
mei lem hot die wiaklichkeit ois oiptram entlarvt, jeds geheimnis, die gonze woahheit wiad offnboaht
im univeasum steckn no so vü rätsl, do mei kühnste phantasie kummt niemois meah in foaht
mei geist setzt aus, kapituliat, om bodn zasteat, foi endlos in an imma enga weadendn schocht
iagendwöche kräft zasetzn mei denkmaschin, drum hob i donn niemois wieda befreit heazlich laut glocht.
14)
hob mein dunklen horizont scho längst in mia gspüat, tödliche gwitta tüamen si gewoitig hoch auf
bin schwea gstüazt, mein kopf onghaut, tiaf ins koma taucht, ka frische luft meah zum otmen, einghüllt in dichtn rauch
mei immunsystem zum reinstn chaos mutiat, gibt ka heilung meah, kräfte schmözn, mi söbst umbrocht
no kuaz gweaht, donn glei valoan, jetzt gibts ka zruck meah, drum hob i donn niemois wieda befreit heazlich laut glocht.
15)
mei lem ealischt genauso wie bei da gebuat, quoivolle schmeazn ziehn mi brutal longsom in den tod
ongsteafüllt stoarrende augn quön wüd heavoa, des signoi von den neavn zum hian bricht endgültig ob
da vadauungstrakt entleat si, a gstonk mocht si breit, die totnstarre setzt ein, füa die ewigkeit gmocht
da deckl knoat, da soag mit feichta eadn bedeckt, drum hob i donn niemois wieda befreit heazlich laut glocht.
ch 1e)
oba hätt is do nua scho im voahinein gwusst, doss olle frogn unbeontwoatet bleim
hätt i meah wissn und vastond inhaliat, wüad die zeit nutzn, den tod aus mia zu vatreim
meine tausend lem wäan seah obwechslungsreich, intressante gschicht, genial duachdocht
denn nua dei lem hätt mi aus diesa not grett, denn sunst hätt i wieda heazlich laut glocht.
ch 2d)
voa net oi zu longa zeit ois ötra weisa hea, hob i no heazlich glocht, woa i no stoak wie a bäa
des oita tiaf vagrom, mei lem nie guad übadocht, endgültiga fümriss, niemois wieda heazlich glocht
voa net oi zu longa zeit ois seah vitala hea, hob i no heazlich glocht, damois woas lebm goa net schwea
des oita tiaf vagrom, mei lem a kostboare frocht, endgültiga fümriss, niemois wieda heazlich glocht.
ch 3c)
hob in meim restlichn kuazn lem niemois wieda heazlich laut glocht
ka zeit füa optimismus, heitakeit, mit besm, grobm blick eawocht
hobs lochn vaschwitzt, wiad zua bestialischn grimassn, frotznhoft
schlepp mi vom lebm in den tod, die schware lost zadruckt mi, ghea hoat bestroft
drum hob i net meah grinst oda glocht, niemois wieda heazlich laut glocht.
ch 4b)
heazlich laut glocht, ausgeglichn, ealöst, wut, zoan, äaga schmözn, spualos vaschoin
heazlich laut glocht, gutgelaunt, lebmsfroh, a hoamonie losst an von innen stroihn
heazlich laut glocht, den soagn wochsn fliagl, entschwem freiwillig ohne eklat
heazlich laut glocht, tränen woschn ois rein, des lochn kuariat jede feine naht.
ch 5a)
do die keazn brennt jetzt scho vüz long, da docht is vüz kuaz, des licht eastroiht scho vüz schwoch
des grob eatönt in an dumpfn klong, da soag wiad zu staub, des skelett hot an tiafn schlof
die zeit tickt unaufhöalich voaron, da tog wiad zua nocht, joahre reihn si hintranond
mei ich is jetzt voam lebm gflohn, im tod heazlich glocht, fühl mi mitm tod sönvawondt.
1)
hob mei oames traurigs lem sinnlos vaschissn, afoch vaspüt, valoan, vanicht und vüz weit wegghaut
oi die joah ohne plan und zü umheageiat, hob mein weg söbst mit vüz vü grossn stanan vabaut
a menschnlem is eh so kuaz und so weatvoi, do i hobs ohne schlechts gwissn mutwillig bestroft
olle eainnarungen und tatn vagessn, drum hob i niemois wieda befreit heazlich laut glocht.
ch 1a)
oba hätt is do nua im voahinein gwusst, doss i di no treff, kenna und liebm lean
hätt i donn gonz ondre tüan weit geöffnet, hätt die wöd eafoascht, wüad mi net meah einspean
meine fensta hättn a gloskloare sicht, a lompm vastroiht iah woams licht tog und nocht
denn nua du gonz alla host zu meim glück gföht, denn donn hätt i wieda heazlich laut glocht.
ch 4a)
heazlich laut glocht, ungezwungen, offn, löst die sponnung, heilt des heaz und die sö
heazlich laut glocht, ealeichtat und beruhigt, löst den innren knotn glei auf da stö
heazlich laut glocht, jede lost fedaleicht, fliagt wie a vogl zwischn woikn dahin
heazlich laut glocht, tränen foin ois geschenk, des lochn is die beste medizin.