Weanerisch reloaded "Befua i in da Bim* drin bin "

Befua i in da Bim drin bin
ged ma so maunches duachn Sinn.
Grod heit is gwesn, huachts nur guat hea;
do hob i ma dengt: wos kummt do dahea
A Fiaka auf d Schinen, i man i dram,
schau no a moi hi auf de Tram.
Do hob i zwa Gigara* gsegn mid an Wogn,
kunts sei, i hab de Sun ned vatrogn?
A Fiaka, der wa ma grod recht;
midfoan is, was i gean mecht.
Und so bin i eine, do wos fira Schreck;
Wäu auf amoi worn de zwa Gigara weg.

*Bim die liebevolle Bezeichnung der Wiener für Straßenbahn,
*Pferde werden auch Gigara genannt